თბილისის რკინიგზის შემოვლითი გზის დაგეგმარებაზე ფრანგული კომპანია "აპური" იმუშავებს.
"საქართველოს რკინიგზასა" და ფრანგულ კომპანიას შორის შესაბამისი ხელშეკრულება უკვე გაფორმებულია.
როგორც პარიზში მყოფი "საქართველოს რკინიგზის" გენერალური დირექტორი ირაკლი
ეზუგბაია აცხადებს, "აპურს" პარიზის დაგეგმარებაში დიდი წვლილი აქვს შეტანილი.
"კომპანიას, რომელთანაც ხელშეკრულება გავაფორმეთ ძალიან დიდი წვლილი აქვს შეტანილი პარიზის დაგეგმარებაში. ასე რომ, თბილისშიც ძალიან მაღალი ხარისხის პროდუქტს უნდა ველოდოთ", - განმარტავს ეზუგბაია.
შეგახსენებთ, რომ "საქართველოს რკინიგზა" თბილისიდან რკინიგზის გადატანის პროექტზე მუშაობს. მისი განხორციელების შემდეგ დედაქალაქში ტრანზიტული მოძრაობა შემოვლითი გზით განხორციელდება.