მიმდინარე კვირაში მოსალოდნელია ჰაერის ტემპერატურის მატება, იზრდება ტყის ხანძრების რისკი, ხანძრის კერის ან დაკვამლიანების შემჩნევის შემთხვევაში, დარეკეთ 112-ში - საგანგებო სიტუაციების მართვის სამსახური
საქართველოს შინაგან საქმეთა სამინისტროს საგანგებო სიტუაციების მართვის სამსახური განცხადებას ავრცელებს.
„მიმდინარე კვირის განმავლობაში, ქვეყნის მთელ ტერიტორიაზე მოსალოდნელია ჰაერის ტემპერატურის მატება, რა დროსაც განსაკუთრებით იზრდება ტყის ხანძრების რისკი. ხანძრის კერის ან დაკვამლიანების შემჩნევის შემთხვევაში, დაუყოვნებლივ დარეკეთ 112-ში.
აღნიშნული ინფორმაციის შემცველი მოკლეტექსტური შეტყობინება დაეგზავნებათ მოქალაქეებს“, – აღნიშნულია განცხადებაში.
