თბილისის საქალაქო სასამართლოში დღეს მიხეილ სააკაშვილის პროცესი განახლდება. სავარაუდოდ, პროცესზე უცხოელი და ქართველი ექსპერტები დაიკითხებიან.
ასევე, სასამართლოზე იგეგმება საქმეში არსებული ნივთმტკიცებების შესწავლაც.
როგორც ადვოკატი განმარტავს, მიხეილ სააკაშვილს პროცესზე ფიზიკურად დასწრების სურვილი აქვს, თუმცა მისი ჯანმრთელობის მდგომარეობა ამის საშუალებას არ იძლევა.
"სააკაშვილის სურვილი აქვს, რომ დაესწროს ფიზიკურად სასამართლო პროცესზე და ჩაერთოს ამ პროცესის მსვლელობაში. როგორც ხედავთ, ის არ გადმოჰყავთ ავადმყოფობის გამო. რაც შეეხება ექსპერტებს, ვინც უნდა დაიკითხონ, სასამართლო პროცესის დაწყების წინ გავაჟღერებთ. არ გამოვრიცხავ, რომ დაიკითხება უცხოელი ექსპერტიც და ქართველი ექსპერტებიც," - აცხადებს შალვა ხაჭაპურიძე.
