ხელისუფლება კელი დეგნანის წინააღმდეგ კომპრომატების მოძიებას ცდილობს - აცხადებს "ჭავჭავაძის ცენტრის" დირექტორი ნინო კალანდაძე ტელეარხ "პირველთან" საუბრისას, ამავე არხის მიერ გავრცელებულ ინფორმაციასთან დაკავშირებით, რომლის თანახმადაც სახელმწიფო უსაფრთხოების სამსახური აშშ-ის ელჩს უთვალთვალებს.
"ეს ნიშნავს იმას, რომ დასავლეთი ივანიშვილის რეჟიმისთვის არის მტერი, იმიტომ, რომ მხოლოდ მტრულ სახელმწიფოებს უსმენენ და მათზე ახორციელებენ ფარულ მიყურადებას და ცივი ომის შემდეგ, ეს პრაქტიკა, ფაქტობრივად, აღარ არსებობს თუ სახელმწიფო მოკავშირედ განიხილავს მეორე მოკავშირეს. ფარული მიყურადება, ჩანაწერების გაკეთება უკანონოდ დიპლომატიური საუბრების მიღმა ნიშნავს იმას, რომ ეს არის კომპრომატების ძიების მცდელობა, რომელსაც ისინი შემდგომ თავისივე მოკავშირის წინააღმდეგ გამოიყენებენ", - ამბობს ნინო კალანდაძე.
