პაციენტი, რომელსაც მსოფლიოში პირველად ამერიკელმა ექიმებმა გენეტიკურად მოდიფიცირებული ღორის გული გადაუნერგეს, გარდაიცვალა.
BBC-ის ინფორმაციით, 57 წლის პაციენტმა დევიდ ბენეტიმ ოპერაციის შემდეგ ორი თვეს იცოცხლა.
ოპერაცია 7 იანვარს ჩატარდა, თავიდან გული კარგად ფუნქციონირებდა, მაგრამ ბენეტის მდგომარეობა რამდენიმე დღის წინ დამძიმდა. ის 8 მარტს გარდაიცვალა.
ბენეტს აწუხებდა გულ-სისხლძარღვთა დაავადება და გადარჩენისთვის ერთდერთი შანსი მისთვის გულის გადანერგვა იყო.
მეცნიერები იმედოვნებდნენ, რომ მრავალწლიანი კვლევების შემდეგ მსგავსი ოპერაციის წარმატებით დასრულება მსოფლიოში დონორთა ორგანოების დეფიციტის პრობლემას გადაჭრიდა.
