საქართველოსა და უკრაინისთვის MAP-ის მინიჭების შესახებ ნატოს საგარეო საქმეთა მინისტრები დეკემბერში ბრიუსელში იმსჯელებენ.
ამის შესახებ ალიანსის ოფიციალურმა წარმომადგენელმა ჯეიმს აპატურაიმ განაცხადა.
მან ოკუპირებულ რეგიონებში შიქმნილ ვითარებაზეც ისაუბრა და განაცხადა, რომ სამხრეთი ოსეთი და აფხაზეთი საქართველოს ტერიტორიებია.
აპატურაიმ დასძინა, რომ ნატო შეშფოთებას გამოთქვამს ამ რეგიონებში საქართველოს მოქალაქეების გატაცების ფაქტების გამო.
ოკუპირებულ ტერიტორიაზე ადამიანის უფლებათა დარღვევის ფაქტებზე და საქართველოს ნატოში ინტეგრაციის პერსპექტივებზე ისაუბრეს სახელმწიფო მინისტრმა ევროატლანტიკურ სტრუქტურებში ინტეგრაციის საკითხებში გიორგი ბარამიძემ და ნატოს გენერალურმა მდივანმა ანდრეს ფორგ რასმუსენმა.
დეკემბერში ბელგიაში ნატო-საქართველოსა და ნატო-უკრაინის კომისიების სხდომები იმართება.
