კანადა რუსეთის გაყინული აქტივებიდან უკრაინას 3,5 მილიარდს გამოუყოფს. ამის შესახებ კანადის პრემიერმინისტრმა, ჯასტინ ტრუდომ რუსეთის მიერ უკრაინის წინააღმდეგ სრულმასშტაბიანი ომის მესამე წლისთავთან დაკავშირებით კიევში პარტნიორ ქვეყნებთან შეხვედრაზე განაცხადა.
„ეს არ არის კონფლიქტი, რომელიც უკრაინას სურდა ან პროვოცირება მოახდინა. ეს ომი დაიწყო ერთი მიზეზის გამო - რუსეთის სურვილი, წაეშალა უკრაინის ისტორია და გაეფართოვებინა თავისი იმპერიის ტერიტორია.
რუსეთის ფედერაციის ქმედებები სხვა არაფერია, თუ არა პირდაპირი შეტევა. ჩვენ ყველაფერი უნდა გავაკეთოთ იმისთვის, რომ უკრაინამ მიაღწიოს გრძელვადიან მშვიდობას, რომლის მიღწევა შეუძლებელია უკრაინელების გარეშე მოლაპარაკების მაგიდასთან“, - განაცხადა ტრუდომ.
მან პარტნიორებს მოუწოდა გაზარდონ დახმარება უკრაინაში
კანადის პრემიერ-მინისტრმა ასევე განაცხადა, რომ კიევი მიიღებს დამატებით 25 LAV III -ის ტიპის ქვეითთა საბრძოლო მანქანას და სხვა სახის იარაღს.
