ოპოზიციას, მომიტევონ, მაგრამ ფრიად აკლია და ძალიან სჭირდება მიხეილ სააკაშვილის მასშტაბის პოლიტიკოსი რუსულ ოლიგარქიასთან ბრძოლაში - ამის შესახებ პარტია "კანონი და სამართლის" ლიდერი თაკო ჩარკვიანი სოციალურ ქსელში წერს.
ჩარკვიანის განცხადებით, სააკაშვილის დაბრუნების მომხრეები დასავლეთს დაანახებენ, რომ 9 წლის თავზე ძალიან ბევრნი არიან და მშვიდობიანად გამოვლენ და დახვდებიან ყოფილ პრეზიდენტს.
"ვერ გავიგე რაზეა საუბარი?! სააკაშვილმა მიიღო გადაწყვეტილება ჩამოსვლისა, ბუნებრივია, მომხრეები დასავლეთს დაანახებენ, რომ 9 წლის თავზე ძალიან ბევრნი არიან და მშვიდობიანად გამოვლენ და დახვდებიან ყოფილ პრეზიდენტს. მიშა არჩევნებში არ მონაწილეობს, მაგრამ მისი პარტიის ხმებით, მხარდამჭერების უდიდესი პროცენტია ოპოზიციაში, ხომ ასეა და ეს ხმები სააკაშვილის გამოა ძირითადად, ხომ ასეა?! ვფიქრობ, სადაო აქ არაფერია.ეს ფაქტია და ახლახანს რეიტინგებმაც-პროცენტებმაც ეს აჩვენა. ახლა ამ ჩამოსვლით მან უკვე დიდი საქმე გააკეთა და ნიჰილიზმი პრაქტიკულად მოხსნა, ტემპერატურა და ინტერესი არჩევნებისადმი გაზარდა-აწია, ეს ძალიან კარგია არჩევნებისთვის, დანარჩენი მისი- ყოფილი პრეზიდენტის, სააკაშვილის და მისი ამომრჩევლის საქმეა.
დიახ, რთულია ყველასთვის ჩვენთვის ვითარება და მისთვისაც ცხადია, რადგან რუსეთის მიერ დევნილია ანუ მსოფლიო "ურჩხულის" მიერ დევნილი და მისი დაჭერა, ამ პოლიტიკური ფიგურის დაჭერა, ცოტა სხვა რამ არის ვფიქრობ. რისკავს, მოდის, მშვიდობიანად ხვდება ამომრჩეველი კონსტიტუციის, მკანონის ფარგლებში, რადგან უმახინჯესი დანაშაულებრივი კლანური მართლმსაჯულება გვაქვს და ეს კიდევ უფრო გამოჩნდა ამ ბოლო დროს გამოვლენილი სუსის ფაილებში-მოსმენებში.
ყოფილი პრეზიდენტის მიმართაც დარღვეულია ევროპული კონვენციის მთელი რიგი მუხლებისა, იქნებ ამ ფართემაშტაბიანი დახვედრა- აქციით შევძლოთ დასავლეთს დავანახოთ დიდი პროტესტი, რადგან ოპოზიციას მომიტევონ, მაგრამ ფრიად აკლია და ძალიან სჭირდება ამ მაშტაბის და ენერგეტიკის პოლიტიკოსი რუსულ ოლიგარქიასთან ბრძოლაში, ეს ფაქტია. აი ეს არის მთელი "სცენარი".
და ბოლოს და ბოლოს მისი, ყოფილი პრეზიდენტის გადასაწყვეტია! გასაკვირი და გაუგებარი რა არის იმაში, რომ მხარდამჭერებს დახვედრა სურთ?! ჰოდა, ჩამოდის და ხალხი, მხარდამჭერები დახვდებიან! ვისაც არ სიამოვნებს არ დახვდება და ასე. არაფერი საპოლემიკო ვფიქრობ არ არის! სახელმწიფოა მიტაცებული და კიდევ ერთი მცდელობაა ადამიანებისა სახელმწიფოს დასაბრუნებლად! ვფიქრობ, ამაზე ჯობდა ალბათ პოლემიკა გამართულიყო!", - წერს ჩარკვიანი.