იზოლაციის, კარანტინისა და პირბადის ტარების წესის დარღვევის გამო დაჯარიმებული პირები ჯარიმის გადახდისგან გათავისუფლდებიან, – ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა.
პრემიერის თქმით, აღნიშნული ინიციატივა პარლამენტს უკვე წარედგინა.
"დღეს საქართველოს პარლამენტს წარედგინა ორი კანონპროექტი, რომელიც ეხება იმ პირებს, ვისაც პანდემიის პერიოდში დაწესებული რეგულაციების დარღვევის გამო ადმინისტრაციული ან სისხლის სამართლის პასუხისმგებლობა დაეკისრა.
აღნიშნული ინიციატივის ფარგლებში, ამნისტია შეეხება როგორც ადმინისტრაციული, ისე სისხლის სამართლის პასუხისმგებლობისგან გათავისუფლდება, დაახლოებით, 245 000 ჩვენი თანამოქალაქე და 344 იურიდიული პირი. საუბარია იზოლაციის, კარანტინის და პირბადის ტარების წესის დარღვევის გამო დაკისრებულ, დაახლოებით, 76 მილიონი ლარის გადაუხდელ ჯარიმებზე",-განაცხადა პრემიერმა.
