შსს-მ სალხინოში მომხდარ დაპირისპირებაზე გამოძიება დაიწყო. სამხარეო პოლიციის უფროსის, ნიკოლოზ დიასამიძის ინფორმაციით, საქმე სსკ-ის 126-ე, ცემის მუხლით აღიძრა.
მისივე განმარტებით, მიმდინარეობს გამოძიება და ყველა ის პირი, ვინც მონაწილეობდა სალხინოს მამათა მონასტერში მომხდარ ინციდენტში, დაიკითხება.
სალხინოში ამ დროისათვის წირვა მიმდინარეობს, თუმცა მღვდელმსახურების დაწყებამდე ადგილზე მძიმე ვითარება იყო. დაპირსპირება და უკმაყოფილება რუსეთში მოღვაწე ბიზნესმენის, კლიმენტი კეკუტიას გამოჩენას მოჰყვა.
სასულიერო პირები მოითხოვდნენ, რომ ბიზნესმენს ეკლესიის ეზო დაუყოვნებლივ დაეტოვებინა. როგორც ისინი აცხადებენ, მონასტერი და იქ არსებული მარანი ბიზნესმენის ინტერესის საგანია.
