ეს პატიმარი გათავისუფლდა მხოლოდ მაშინ, როდესაც სრულად მოიხადა სასჯელი, - ამის შესახებ საქართველოს ვიცე-პრემიერმა, იუსტიციის მინისტრმა თეა წულუკიანმა განაცხადა.
მისი თქმით, ის სიცრუის მანქანა, რომელსაც ნაციონალური მოძრაობა და მისი ნაფოტად ქცეული პარტიები ამუშავებენ ხოლმე და საზოგადოება შეცდომაში შეჰყავთ, ამ შემთხვევაში, თავიანთივე პარტიის წევრი და, ალბათ, ახლობელი და მეგობარი წლების მანძლზე ტყუილში აცხოვრეს.
“მან სრულად მოიხადა სასჯელი და აქედან გამომდინარე, მინდა, რაკი ის თავისუფალია, უფრო მწვავედ შევაფასო მისი საერთაშორისო დონეზე ადვოკატების საქმიანობა. კვირა ერთი იყო და რამდენჯერმე უთვლიდნენ ტელევიზიის მეშვეობით ტყუილებს - ეუბნებოდნენ, რომ აღიარეს პოლიტპატიმრად. ეს იყო სიცრუე. სამწუხაროდ, მე ხანდახან, მას შემდეგ, რაც პენიტენციური სისტემა იუსტიციის სისტემას შეუერთდა, ვარ ხოლმე მოწმე, როგორ იქცევიან გარეთ მყოფი პირები პატიმართან მიმართებაში, როდესაც ატყუებენ, რომ მინისტრთა კომიტეტი, ევროსაბჭო გაათავისუფლებს.
ბატონი ბოკერიადან დაწყებული, მისი ადვოკატებით, პარტიის წევრებით გაგრძელებული, რომლებიც ადვოკატის სტატუსით იყვნენ, პატიმარს ძალიან ბევრ ტყუილს ეუბნებოდნენ მედიის საშუალებით. არადა, ეს პატიმარი გათავისუფლდა მხოლოდ მაშინ, როდესაც სრულად მოიხადა სასჯელი.
კიდევ ერთი ტყუილი იყო ის, რომ საკნიდან გაყვანის ეპიზოდის გამო ევროსაბჭო დაავალებდა მთავრობას მის ვადამდე გათავისუფლებას. დღეს ვნახეთ, რომ ეს იყო სიცრუე. ის სიცრუის მანქანა, რომელსაც ნაციონალური მოძრაობა და მისი ნაფოტად ქცეული პარტიები ამუშავებენ ხოლმე და საზოგადოება შეცდომაში შეჰყავთ, ამ შემთხვევაში, თავიანთივე პარტიის წევრი და, ალბათ, ახლობელი და მეგობარი წლების მანძლზე ტყუილში აცხოვრეს“, - თქვა წუკუკიანმა.