აშშ-ის განათლების დეპარტამნეტმა დაიწყო გამოძიება ჰარვარდისა და იელის უნივერსიტეტების წინააღმდეგ, იმის გამო, რომ მათ არ მიაწოდეს ინფორმაცია უცხო ქვეყნებისგან მიღებული საჩუქრებისა და მათთან გაფორმებული მრავალმილიონიანი კონტრაქტების შესახებ.
"განათლების დეპარტამენტი აცხადებს, რომ დაიწყო გამოძიება ჰარვარდისა და იელის უნივერსიტეტების მიმართ, მას შემდეგ, რაც ორივე უმაღლესმა დაწესებულებამ არ აცნობა უცხოეთიდან საჩუქრად მიღებული ასობით მილიონი დოლარისა და კონტრაქტების შესახებ", - ნათქვამია დეპარტამენტის განცხადებაში.
იელის უნივერსიტეტმა დეპარტამენტს არ შეატყობინა 375 მლნ დოლარის საჩუქრებისა და კონტრატქების შესახებ.
ჰარვარდს კი უწყებისთვის უნდა ეცნობებინა ჩინეთთან, კატართან, რუსეთთან, საუდის არაბეთთან და ირანთან კონტაქტების, ასევე ფონდ "სკოლკოვოს", "კასპერის ლაბორატორიისა" და კომპანია Huawei-თან დადებული კონტრაქტების შესახებ.
გასული წლის ნოემბერში განათლების დეპარტამენტმა მასაჩუსეტის ტექნოლოგიურ ინსტიტუტსა და მერილენდის უნივერსიტეტს მოსთხოვა ცნობები რუსეთთან და ჩინეთთან კონტაქტების შესახებ.
