რუსთავში მერიის შენობასთან აქცია გაიმართა. აქციის მონაწილეებმა ტრანსპორტზე ტარიფის ზრდა გააპროტესტეს.
აქციის მონაწილეებთან რუსთავის მერი ირაკლი ტაბაღუა მივიდა, რომელმაც თქვა, რომ რუსთავი-თბილისის მიმართულებით ტრანსპორტზე ტარიფი თვითნებურად არის გაზრდილი.
მან აქციის მონაწილეებთან ერთად „ინტერტრანსის“ კუთვნილი მიკროავტობუსი გააჩერა, 2 ლარის აღმნიშვნელი აბრა ჩამოხსნა და 1.50 ლარიანი აბრა გააკრა.
აქციის მონაწილეებთან მირკოავტობუსის მძღოლებიც მივიდნენ, რომლებმაც განაცხადეს, რომ 1.50 ლარად მგზავრთა გადაყვანას ვერ მოახდენენ, რის შემდეგაც აქციის მონაწილეებსა და მძღოლებს შორის სიტყვიერი დაპირისპირება მოხდა.
ცნობისთვის, 29 დეკემბრიდან რუსთავი-თბილისის მიმართულებით მგზავრობის ფასი 1.50 ლარიდან 2 ლარამდე გაიზარდა.