უკრაინის პრეზიდენტის, ვოლოდიმირ ზელენსკის განცხადებით, 20 ოქტომბერს, ოსლოში გამართული მოლაპარაკებების დროს, აშშ-ის მხარემ დაადასტურა, რომ უკრაინისთვის უსაფრთხოების საიმედო გარანტიების უზრუნველყოფას აპირებს.
ამის შესახებ ზელენსკიმ პრესკონფერენციაზე განაცხადა.
მისი თქმით, 20 ოქტომბერს აშშ-ის წარმომადგენლებთან საუბრისას მხარეებმა უსაფრთხოების გარანტიები დეტალურად განიხილეს.
„მადლობელი ვარ ამერიკული მხარის, რომელმაც კიდევ ერთხელ გაუსვა ხაზი, რომ ეს გარანტიები საიმედო იქნება“, - განაცხადა ზელენსკიმ.
უკრაინის პრეზიდენტის თქმით, ამჟამად უსაფრთხოების გარანტიებთან დაკავშირებით სხვადასხვა წინადადება არსებობს.
„ჩვენ ნატო-ზე, ალიანსის მეხუთე მუხლსა და მეხუთე მუხლით გათვალისწინებული გარანტიების მსგავს უსაფრთხოების გარანტიებზე ვსაუბრობდით. დოკუმენტში ასეთი გარანტიების სხვადასხვა ვარიანტია გაწერილი. სტივი [უიტკოფი] ამ დოკუმენტს რუსებს გადასცემს და ერთი დღის შემდეგ მათ გამოხმაურებას მოვისმენთ. ეს უაღრესად მნიშვნელოვანია, რადგან ომის დასრულების შემდეგ უსაფრთხოების ძლიერი გარანტიები გვჭირდება“, - აღნიშნა ზელენსკიმ.
