თბილისში, პეკინის გამზირზე მომხდარი სისხლიანი გარჩევის დროს დაჭრილი ერთ-ერთი მამაკაცის ჯანმრთელობის მდგომარეობა მძიმეა.
დაშავებულს ჭრილობა კისრის და გულ-მკერდის არეში აქვს მიყენებული.
ექიმების ინფორმაციით, გაკეთდა სასწრაფო ოპერაცია და პაციენტი მართვით სუნთქვაზე რჩება.
რაც შეეხება მეორე მამაკაცს, რომელიც ასევე ამ გარჩევის დროს დაჭრეს, ის მრავლობითი ჭრილობებით საავადმყოფოშია მოთავსებული.
ცნობისთვის, ორი მამაკაცი პეკინის გამზირზე გუშინ დაჭრეს. მომხდარს წინ ახალგაზრდებს შორის ჩხუბი უძღოდა.
შსს-ს ინფორმაციით, გამოძიება სსკ-ს 19-109 მუხლით მიმდინარეობს, რაც დამამძიმებელ გარემოებებში განზრახ მკვლელობის მცდელობას გულისხმობს.