გემზე, რომელსაც მეკობრეები ბენინის სანაპიროსთან თავს დაესხნენ, ქართველები არ იმყოფებოდნენ. საზღვაო ტრანსპორტის სააგენტოს ინფორმაციით, 2 იანვარს გვინეის ყურეში, ბენინის სანაპიროსთან პანამის დროშის ქვეშ მცურავ კონტეინერმზიდს - MSC Mandy მეკობრეები დაესხნენ და ეკიპაჟის 6 წევრი გაიტაცეს.
ორი დღის წინ გავრცელდა ინფორმაცია, რომ აღნიშნული გემის ბორტზე ორი ქართველიც იყო.
საზღვაო ტრანსპორტის სააგენტომ მოახდინა მყისიერი რეაგირება: მოპოვებულ იქნა ინფორმაცია გემთმფლობელისგან და სხვა სანდო წყაროებიდან.
დადასტურებული ინფორმაციით, ქართველები არ იმყოფებოდნენ ეკიპაჟის წევრების სიაში და შესაბამისად არც გატაცებულთა შორის არ არიან.