ევროკავშირის დიპლომატიის ხელმძღვანელმა, ფედერიკა მოგერინმა ჰელსინკში აშშ-ის და რუსეთის პრეზიდენტების მოლაპარაკებების დაწყების წინ განაცხადა, რომ ამერიკის ადმინისტრაციას ურჩევნია ახსოვდეს, ვინაა მისი მეგობარი.
ჰელსინკში დღეს გაიმართება აშშ-ს პრეზიდენტის დონალდ ტრამპისა და რუსერთის პრეზიდენტის ვლადიმერ პუტინის შეხვედრა. ისინი აპირებენ განიხილონ ორმხრივი ურთიერთობების განვითარების პერსპექტივები და საერთაშორისო დღის წესრიგის აქტუალური საკითხები.
"ჩვენ, ევროკავშირს გვაქვს ნათელი წარმოდგენა იმაზე, თუ ვინაა ჩვენი მეგობარი - ეს არის ამერიკა და ადმინისტრაციის ცვლა არ ცვლის მეგობრობას. ვიმედოვნებ, რომ ამერიკის ადმინისტრაციას აქვს ნათელი წარმოდგენა მეგობრებზე“ - განაცხადა მოგერინმა ბრიუსელში ჟურნალისტებთან ევროკავშირის საგარეო საქმეთა საბჭოს სხდომის დაწყების წინ.
