ბრიტანეთის ევროკავშირიდან გასვლის შემდეგ გერმანია დიდ ბრიტანეთთან გააგრძელებს მჭიდრო თანამშრომლობას საერთაშორისო პოლიტიკისა და უსაფრთხოების სფეროში. განაცხადა გერმანიის კანცლერმა ანგელა მერკელმა.
"ჩვენ გავაგრძელებთ ძალიან მჭიდრო თანამშრომლობას საგარეო პოლიტიკაში და ასევე უსაფრთხოების და თავდაცვის სფეროში“ - განაცხადა მერკელმა. მისი ეს განცხადება გამოქვეყნებულ იქნა გერმანიის მთავრობის ოფიციალურ ვებ გვერდზე.
მან დასძინა, რომ გერმანია და დიდი ბრიტანეთი გააგრძელებენ გამოსვლას, როგორც პარტნიორები საერთაშორისო დონეზე. ეს ეხება ასევე ურთერთქმედებებს ნატოს ფარგლებში, ირანთან ბირთვულ შეთანხმებაზე საერთო პოზიციას და რუსეთთან მიმართებაში სანქციურ პოლიტიკას. გარდა ამისა, მერკელის თქმით, ლონდონთან თანამშრომლობა აუცილებელია „რათა დავიცვათ გარე საზღვრები. ასევე, აფრიკის მრავალი მისიისთვის“.
კანცლერის თქმით, ევროკავშირიდან დიდი ბრიტანეთის გასვლა გამოიწვევს თავისთავად დიდ ცვლილებებს ევროკავშირში და აუცილებელია „გავთვალოთ შანსები ამ კრიზისისა, რათა გავაძლიეროთ ევროკავშირი და გავხადოთ ის ბევრად უფრო ეფექტური“.
ცნობისთვის, ბრიტანეთის პრემიერ-მინისტრის ტერეზა მეის ვიზიტი ბერლინში მოსალოდნელია შემდეგი კვირის ხუთშაბათს. ქვეყნები მიზნად ისახავენ განიხილონ ევროკავშირიდან დიდი ბრიტანეთის გავლის საკითხი.
