საზღვრის კონტროლი, რომელიც მოქმედებს შვედეთში 2015 წლის ნოემბრიდან და უკავშირდება დევნილების შემოდინებას, 2 ივლისიდან გაფართოვდება და ის ასევე მოიცავს შვედეთის აეროპორტების და პორტების კონტროლსაც.
"2018 წლის 2 ივლისიდან დროებითი სასაზღვრო კონტროლი შიდა საზღვრებზე გაფართოვდება და ის მოიცავს ქვეყნის აეროპორტებსა და პორტებსაც“ - ნათქვამია ქვეყნის ადმინისტრაციის მიერ გავრცელებულ პრესრელიზში.
სასაზღვრო კონტროლი საზღვრებზე შენგენის წევრ ქვეყნებთან შვედეთში შემოიღეს 2015 წლის ნოემბერში ქვეყანაში დევნილების შემოდგინების გამო. ბოლოს ის გააგრძელეს მაისის დასაწყისში 2018 წლის ნოემბრამდე. შესაბამისად ამ გადაწყვეტილებასთან დაკავშირებით პოლიციას დანიის საზღვარზე კონტროლის გარდა, შეუძლია განახორციელოს შემოწმება სხვა ადგილებშიც იმ მიზნით, რომ გამოავლინონ არა მხოლოდ მიგრანტები, რომელთაც არ გააჩნიათ დოკუმენტები, არამედ ეჭვმიტანილი ტერორისტები და სხვა სახის კრიმინალები.
პრესრელიზში ნათქვამია, რომ კონტროლის გაფართოებული ფორმტი იმოქმედებს 11 ნოემბრამდე შვედეთის სამხრეთ პორტებში და სტოკჰოლმში. ასევე სტოკჰოლმის, გეტებორგის, მალმეს და სხვა ქალაქების აეროპორტებში. დოკუმენტების კონტროლი ასევე განხორციელდება სამგზავრო ავტობუსებსა და დანიის საზღვართან მანქანის მგზავრების მიმართაც.
"2015 წლის შემოდგომაზე, როდესაც შვედეთმა განაახლა საზღვრის კონტროლი, ვითარება განსხვავებული იყო. აღინიშნებოდა საგრძნობად ჭარბად მიგრანტების შემოსვლა ერესუნის ხიდიდან და სამხრეთ შვედეთიდან. ახალი ანგარიშით, საფრთხის ვითარება ცოტა განსხვავდება წინა სურათისგან. ქვეყნის ხელისუფლებამ დაინახა საჭიროება კონტროლის სხვა ტერიტორიებზე გავრცელების აუცილებლობის შესახებ“ - განაცხადა სასაზღვრო კონტროლის საკითხებთან დაკავშირებით შვედეთის პოლიციის პასუხისმგებელმა პირმა.
