ქალთა სასჯელაღსრულების დაწესებულებაში გუშინ დაწყებული შიმშილობა დღესაც გრძელდება. 40 მოშიმშილეს კიდევ 69 შეუერთდა და ახლა მათი რაოდენობა 109 გახდა. ისინი „ადამიანის უფლებათა ცენტრის" და სახალხო დამცველის ანგარიშს აპროტესტებენ. ინფორმაციას საჯელაღსრულების სამინისტრო ადასტურებს.
ამ ანგარიშის თანახმად, დაწესებულებაში, შემოწმების მიზნით, ქალებს ისევ აშიშვლებენ. დაწესებულებაში საპროტესტო წერილი დაიწერა, რომელსაც ხელს 150 მსჯავრდებული აწერს. ისინი ანგარიშის შინაარსს პატიმართა უფლებების დარღვევად მიიჩნევენ და ავტორებისგან ბოდიშს მოითხოვენ.
სახალხო დამცველისა და "ადამიანის უფლებათა ცენტრის" ანგარიში 28 ივნისს გამოქვეყნდა თემაზე „ქალი და არასრულწლოვანი პატიმრების მდგომარეობა საქართველოში". ანგარიშში წერია, რომ სასჯელაღსრულების დაწესესებულებებში ერთ-ერთ მნიშვნელოვან პრობლემად რჩება დაწესებულებაში მიღებისას ქალი პატიმრების სრული პირადი შემოწმება გაშიშვლების გზით, რა დროსაც მათ ბუქნების გაკეთებას სთხოვენ.
ამ ანგარიშს არც სასჯელაღსრულების სისტემაში ეთანხმებიან. სამინისტროს განცხადებით, პენიტენციურ დაწესებულებებში ბრალდებულთა/მსჯავრდებულთა დღეს მოქმედი შემოწმების პროცედურა სრულად შეესაბამება საერთაშორისო ევროპულ სტანდარტებს.
