თბილისში, ბერი გაბრიელ სალოსის ქუჩაზე მოზარდს ავტომანქანა დაეჯახა.
ავარიის შედეგად მოზარდმა გონება დაკარგა. ის სასწრაფო-სამედიცინო დახმარების ექიმებმა კლინიკაში გადაიყვანეს.
შინაგან საქმეთა სამინისტროს ინფორმაციით, მოზარდის ჯანმრთელობის მდგომარეობა დამაკმაყოფილებელია.
მათი ცნობით, ავტომობილის მძღოლს შემთხვევის ადგილი არ დაუტოვებია.
მათივე ინფორმაციით, მომხდარზე გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება.
