სომხეთის ყოფილმა მმართველმა რესპუბლიკურმა პარტიამ, დღეს პარლამენტის ეროვნულ სხდომაზე უმრავლესობა დაკარგა.
ეს მოხდა მას შემდეგ, რაც სომხეთის რესპუბლიკური პარტიის დეპუტატმა სამველ ალექსანიანმა ფრაქციიდან გასვლის შესახებ განცხადება გაავრცელა.
"დიახ, მე მივდივარ სომხეთის რესპუბლიკური პარტიის საპარლამენტო ფრაქციიდან და ვრჩები დამოუკიდებელ დეპუტატად“ - განაცხადა მან ჟურნალისტებთან საუბრისას.
ალექსანიანი გახდა მეექვსე პარლამენტარი, რომელმაც ხელისუფლების შეცვლის შემდეგ ფრაქცია დატოვა. სომხეთის რესპუბლიკურ პარტიაში 105-დან 52 საპარლამენტო ადგილი დარჩა.
მანამდე, გავრცელდა ინფორმაცია, რომ რესპუბლიკური პარტია დატოვეს შარიკ ტოროსიანმა, არტურ გევორგიანმა, არმენ სააკიანმა, არტაკ სარგსიანმა და ფელიქს ცოკალიანმა.
