ბათუმის მერია  საკურორტო-სამკურნალო რეაბილიტაციის ქვეპროგრამას ახორციელებს. მიმდინარე წელს ქვეპროგრამა გაფართოვდა, რის შედეგადაც პროგრამით სოციალურად დაუცველი მრავალშვილიანი ოჯახებიც ისარგებლებენ.  ქვეპროგრამის ფარგლებში გათვალისწინებულია:

·         სოციალურად დაუცველი მრავალშვილიანი ოჯახების (ხუთი და მეტი შვილი), შშმ პირებისა და ომში დაზარალებულ პირთა რეაბილიტაცია ურეკში;

·         მცირე ტიპის საოჯახო სახლის ბენეფიციართა მომსახურება ურეკში;

·         ომში დაღუპულთა ოჯახის წევრების, შშმ პირების, ომში დაზარალებულთა და თანმხლები პირების მომსახურება ურეკში;

·         შშმ პირების, ომში დაზარალებულთა და მათი თანმხლები პირების მომსახურება წყალტუბოსა და ბორჯომში;

·         ომში დაღუპულთა ოჯახის წევრების მომსახურება წყალტუბოსა და ბორჯომში;

·         სოციალურად დაუცველი მრავალშვილიანი ოჯახების უზრუნველყოფა ტრანსპორტირების ხარჯით.

პროგრამა თორმეტდღიან სარეაბილიტაციო კურსს მოიცავს და ივლისიდან სექტემბრამდე გაგრძელდება. ბიუჯეტი 304 ათას 170 ლარს შეადგენს. პროგრამით 584 ადამიანი ისარგებლებს.

მსურველებმა განაცხადით უნდა მიმართონ მერიის მოქალაქეთა მომსახურების ცენტრს. მისამართი: ლუკა ასათიანის ქ. #25.

დამატებითი ინფორმაციისთვის შეგიძლიათ დაუკავშირდეთ მერიის ჯანმრთელობისა და სოციალური დაცვის სამსახურს შემდეგ ნომერზე: (0422) 24 63 02.