სოციალურმა ქსელმა Instagram-მა, რომელიც Facebook-ის საკუთრებაა, შესაძლოა, დაამატოს ფუნქცია, რომელიც მომხმარებელს ქსელში 1 საათამდე ხანგრძლივობის ვიდეოს განთავსების საშუალებას მისცემს. აღნიშნულის შესახებ ინფორმაციას The Wall Street Journal-ი საკუთარ წყაროზე დაყრდნობით ავრცელებს.
დღეისათვის Instagram-ზე 1 წუთამდე ვიდეოების განთავსებაა შესაძლებელი. ეს იმ ფონზე, როდესაც ადრე სოციალური ქსელი უფრო მოკლე ხნიანი ვიდეოს განთავსების საშუალებას იძლეოდა.
საწყის ეტაპზე ცვლილება feed-ში განსათავსებელ ვიდეოებს ეხება და სამომავლოდ შეეხება თუ არა ის Stories-ში განსათავსებელ ვიდეოებს უცნობია.
