ფრანგმა მოცურავემ ბენუა ლეკონტმა, რომელსაც მიზნად აქვს გახდეს პირველი ადამიანი, რომელმაც წყნარი ოკეანე გადაცურა, იაპონიის სანაპიროებიდან სტარტი უკვე აიღო.
51 წლის ლეკონტი გეგმავს 8 საათის განმავლობაში ცურვას დღე-ღამის განმავლობაში და დაახლოებით წელიწადნახევარში, 9 ათასი კილომეტრის დაძლევის შემდეგ, ის მიადგება აშშ-ს სანაპიროებს.
გზაზე არ იქნება ცოტა საფრთხე: ზვიგენი, შტორმი, უამინდობა და წყლის ექსტრემალურად დაბალი ტემპერატურა.
მოცურავეს სურს თავისი საქციელით მიიქციოს ადამიანების იყურადღება გლობალურ დათბობასთან დაკავშირებით. მეცნიერთა ჯგუფი, რომელიც ლეკონტთან ერთად იქნებიან, დაიწყებს კვლევას ოკეანის მდგომარეობის შესახებ მთელი გზის განმავლობაში.
ისინი შეისწავლიან რაოდენობას და მდგომარეობას ოკეანეში პლასტიკური ნარჩენების შესახებ და აიღებენ წყლის სინჯებს, რათა დაადგინონ „ფოკუსიმას“ ავარიის გავლენა ოკეანეზე.
ასევე დააკვირდებიან მოცურავის ფიზიკურ მდგომარეობას.
ბენუა ლეკონტი აშშ-ში ცხოვრობს. ის ამ სტარტისთვის ბევრს ემზადებოდა. ცურავდა ღია ზღვაში საათების განმავლობაში და ასრულდებდა სხვადასხვა ფიზიკურ სავარჯიშოებს.
„ფსიქიკური ასპექტი უფრო მნიშვნელოვანია, ვიდრე ფიზიკური მდგომარეობა. საჭიროა ყოველთვის სასიამოვნო რამეზე ფიქრი. მაქვს ძალზე მკაცრი რაციონი. არანაირი შაქარი. კალორიების უმეტესობას ვიღებ პროდუქტებისგან რომელსაც აქვს მდიდარი ცხიმები. მენიუში შედის ისეთი პროდუქტები როგორიცაა: ყველი, მკარონი, სხვადასხვანაირი წვნიანები“ - აცხადებს ლეკონტი.
მოცურავის გამცილებელ ნავზე იქნება დამონტაჟებული "GPS"-ი და მსურველებს შეეძლებათ თვალი ადევნონ ლეკონტის გადაადგილებას არსებული მარშუტით მის პირად საიტზე.
