ირანის ბირთვული გარიგებიდან აშშ-ის გასვლა სინანულს იწვევს. გერმანია მოწოდებულია შეთანხმებისკენ. ამის შესახებ განცხადება გერმანიის კანცლერმა, ანგელა მერკელმა დღეს გააკეთა. იუწყება არხი Welt.
"ჩვენ ვრჩებით პასუხისმგებლობით ხელშეკრულების მიმართ და ყველაფერს გავაკეთებთ, რათა ირანმა ასევე შეასრულოს თავისი ვალდებულებები“ - აღნიშნა კანცლერმა.
ცნობისთვის, აშშ-ს პრეზიდენტმა, დონალდ ტრამპმა სამშაბათს განაცხადა, რომ აშშ გადის ირანის ბირთვული პროგრამის შეთანხმებიდან, რომელიც მიღწეული იყო ექვსი საერთაშორისო ქვეყნის (აშშ, დიდი ბრიტანეთი, ჩინეთი, საფრანგეთი, გერმანია, რუსეთი) შუამავლობით 2015 წელს. გარდა ამისა, პრეზიდენტმა განაცხადა აღადგინოს ყველა ის სანქცია, რომლის მოქმედებაც შეჩერებული იყო გარიგების მიღწევის შედეგად.
ტრამპი ჯერ კიდევ პრეზიდენტად არჩევამდე აკრიტიკებდა შეთანხმებას და მას "ყველაზე ცუდ გარიგებას“ უწოდებდა. იგი არ გამორიცხავდა შეთანხმებიდან გამოსვლას, თუკი არ „გამოსწორდებოდა" შეთანხმების პირობები.
