ნარკოპოლიტიკის ლიბერალიზაციასთან დაკავშირებით მომზადებული კანონპროექტის განხილვა რაც შეიძლება სწრაფი ტემპით უნდა მოხდეს, - ამის შესახებ საპარლამენტო უმრავლესობის წევრმა ლევან კობერიძემ განაცხადა.
მისი თქმით, დეკრიმინალიზაცია და ეს კანონპროექტი ის თემაა, რომელმაც საკითხის სხვადასხვა მხარე უნდა დაარეგულიროს და გარკვეული წესრიგი დაამყაროს.
„ეს კანონპროექტია და ძალაშიც არ შესულა, ქვეყანაში კი სამწუხარო რეალობას ვხედავთ. ვფიქრობ, რომ დეკრიმინალიზაცია და ეს კანონპროექტი ის თემაა, რომელმაც საკითხის სხვადასხვა მხარე უნდა დაარეგულიროს და გარკვეული წესრიგი დაამყაროს. ბოლო პერიოდში საქართველოში საკმაოდ ბევრი რეალიზატორი გამოავლინეს. ამ კანონპროექტში ასახულია პრინციპი, რომ რეალიზატორები მაქსიმალურად დასჯილები უნდა იყვნენ და მათ მიმართ რაც შეიძლება მკაცრი სასჯელი იყოს. ამ ხაზის გაგრძელებას მივესალმები, მაგრამ რეალიზაციის პრობლემა მხოლოდ საქართველოში არ არის“, – განაცხადა ლევან კობერიძემ.
