არ არის გამორიცხული „რესპუბლიკელებისა“ და „თავისუფალი დემოკრატების“ ბლოკმა თვითმმართველობის არჩევნებზე მერობის კანდიდატად ალეკო ელისაშვილის კანდიდატურა წარადგინოს, ამის შესახებ "რესპუბლიკელების" ერთ-ერთმა წევრმა, თამარ კორძაიამ განაცხადა.
მისი თქმით, საკრებულოს დამოუკუდებელ დეპუტატთან აქტიური კონსულტაციები მიმდინარეობს და აუდიენციის დასრულების შემდეგ იქნება მიღებული საბოლოო გადაწყვეტილბა.
"ვფიქრობთ, რომ ამ ფორმატში შესაძლებელია ელისაშვილთან თანამშრომლობა. „რესპუბლიკელები“ და „თავისუფალი დემოკრატები“ კარს ზუსტად უპარტიო და აქტიურ ადამიანებს უღებენ. ალეკო ელისაშვილი არის ფიგურა, რომელიც თვლის, რომ თბილისი უნდა გაძლიერდეს და მას არ სურს რომელიმე პარტიის წევრი იყოს",- განაცხადა თამარ კორძაიამ.
