აშშ-ის პრეზიდენტმა დონალდ ტრამპმა განაცხადა, რომ ვაშინგტონი დიზელის საწვავის ექსპორტზე აკრძალვას არ დააწესებს, რადგან, მისი თქმით, ევროპა, ისევე როგორც აშშ, მსოფლიო ბაზრისთვის საწვავის მიწოდებაში „დიდ წვლილს“ შეიტანს. იუწყება Financial Times
ტრამპმა აღნიშნა, რომ აშშ „ექსპორტზე აკრძალვას არ დააწესებს“ და ევროპული ქვეყნების მიერ დიზელის საწვავის მარაგების ბაზარზე გამოტანას „შესანიშნავი რამ“ უწოდა.
„ევროპას ბევრი დიზელის საწვავი აქვს და ის მსოფლიო მარაგებში მნიშვნელოვან წვლილს შეიტანს, ისევე როგორც ჩვენ. ჩვენ ბევრი ნავთობი გვექნება“, - განაცხადა აშშ-ის პრეზიდენტმა.
2 ოქტომბერს „დიდი შვიდეულის“ ქვეყნები დონალდ ტრამპის ადმინისტრაციის ზეწოლის ფონზე ნავთობისა და ნავთობპროდუქტების სტრატეგიული მარაგებიდან 100 მილიონი ბარელის ბაზარზე კოორდინირებულად გატანაზე შეთანხმდნენ. გადაწყვეტილების მიზანი ენერგეტიკულ ბაზრებზე ფასების ზრდის შეჩერება და, განსაკუთრებით, დიზელის ფასის შემცირებაა.
„დიდმა შვიდეულმა“ ასევე დაადასტურა ვალდებულება, თავი შეიკავოს წევრ ქვეყნებს შორის ენერგიისა და ენერგეტიკული პროდუქტების ექსპორტზე შეზღუდვების დაწესებისგან და ყველა მწარმოებელს მოუწოდა, თავი შეიკავოს ისეთი აკრძალვებისგან, რომლებმაც შესაძლოა ბაზარზე დაძაბულობა გააძლიეროს.
ეს გადაწყვეტილება მას შემდეგ მიიღეს, რაც აშშ-მა დაუშვა დიზელის საწვავის ექსპორტის შეზღუდვის შესაძლებლობა იმ შემთხვევაში, თუ ევროპული ქვეყნები მიწოდების მოცულობას არ გაზრდიდნენ.
