თელავში, საცხოვრებელ სახლში გაჩენილ ხანძარს 50 წლის მამაკაცის სიცოცხლე ემსხვერპლა. შემთხვევა დღეს, გამთენიისას მოხდა.
გავრცელებული ინფორმაციით, ცეცხლი სავარაუდოდ, ელექტროგამათბობლიდან გაჩნდა, რის შედეგადაც, ორსართულიანი სახლი მთლიანად დაიწვა.
ადგილზე მობილიზებული იყო სახანძრო-სამაშველო სამსახურის ბრიგადები. ისინი ხანძრის ლოკალიზებას ორი საათის განმავლობაში ცდილობდნენ.
გარდაცვლილის ცხედარი ექსპერტიზაზეა გადასვენებული.
