15 დეკემბრიდან 9 იანვრამდე პირადობის მოწმობა უფასოდ გაიცემა, ხოლო ბიომეტრული პასპორტი 100 ლარის ნაცვლად 50 ლარი ეღირება, - ამის შესახებ საქართველოს იუსტიციის მინისტრმა თეა წულუკიანმა დღეს გამართულ პრესკონფერენციაზე განაცხადა.
როგორც წულუკიანმა აღნიშნა, იუსტიციის სამინისტრომ მოქალაქეებისთვის საახალწლო აქცია გამოაცხადა.
“ჩვენ უკვე მეხუთე წელია, ვაგრძელებთ საარჩევნო სიის დახვეწას და იმ პრინციპის უზრუნველყოფას ჩვენს ქვეყანაში, რასაც ჰქვია ერთი ამომრჩეველი, ერთი საბუთი, ერთი ხმა. იუსტიციის სამინისტრო აქტიურად მუშაობს, რომ ვიზალიბერალიზაციის საკითხი წარმატებულად დასრულდეს ჩვენი ქვეყნისთვის. ამ ორი მიზნის მისაღწევად ჩვენ გადავწყვიტეთ, საახალწლოდ მოქალაქეებისთვის აქცია გამოვაცხადოთ, რომლებისთვისაც 15 დეკემბრიდან 9 იანვრამდე პირადობის მოწმობa იქნება უფასო, ხოლო ბიომეტრული პასპორტი შესაძლებელი იქნება ავიღოთ 100 ლარის ნაცვლად 50 ლარად. ძალიან მნიშვნელოვანია კარგად გავიაზროთ, რას ნიშნავს ვიზალიბერალიზაცია, აუცილებელია, რომ უვიზო კავშირი ევროპის ქვეყნებთან გამოვიყენოთ, რათა საკუთარი თავი და ქვეყანა ღირსეულად წარმოვაჩინოთ. დათქმულ დროს დავბრუნდეთ საქართველოში და არ გავხდეთ კანონის დამრღვევი. ამისთვის კი ბიომეტრიული პასპორტი არის აუცილებელი”, - განაცხადა თეა წულუკიანმა.