26 სექტემბრის ღამეს რუმინეთმა უკრაინის საზღვართან საჰაერო სამიზნის გამოჩენის გამო ცაში ორი F-18-ის ტიპის გამანადგურებელი ასწია. ამის შესახებ რუმინეთის თავდაცვის სამინისტრომ განაცხადა.
რუმინეთის რადიოლოკაციური დაკვირვების სისტემამ ოდესის ოლქში, ვილკოვოსთან ახლოს, რუმინეთის საზღვრის მიმდებარედ მოძრავი საჰაერო სამიზნე დააფიქსირა.
ამის შემდეგ რუმინეთის ტულჩის ოლქის ჩრდილოეთ ნაწილში მცხოვრებ მოსახლეობას საჰაერო საფრთხის შესახებ შეტყობინება გაუგზავნეს. F-18-ის ტიპის ორი გამანადგურებელი კი ვითარების დასაკვირვებლად აფრინდა.
საჰაერო განგაში 01:30 საათზე გაუქმდა. რუმინეთის საჰაერო სივრცის დარღვევის შესახებ ინფორმაცია არ გავრცელებულა.
შეგახსენებთ, რომ 24-დან 25 სექტემბრის ღამესაც რუმინეთმა უკრაინა-რუმინეთის საზღვართან დრონების გამოჩენის გამო გამანადგურებლები ააფრინა.
