25 ოქტომბერს 18:00 საათზე საქართველოს პარლამენტის ეროვნული ბიბლიოთეკის საკონფერენციო დარბაზში ვლადიმერ (ლადო) აღნიაშვილისადმი მიძღვნილი საღამო გაიმართება.
ღონისძიება ეძღვნება ლადო აღნიაშვილის დაბადებიდან 155, ”ქართული ხოროს” დაარსებიდან 130 და იოზეფ რატილის დაბადებიდან 175 წლისთავს. საღამოზე ასევე გაიმართება ციური ბერიძის წიგნის ”კვლევა-ძიების მასალები ვლადიმერ (ლადო) აღნიაშვილის შესახებ (2000-2016)” პრეზენტაცია.
ლადო აღნიაშვილის მოღვაწეობა მჭიდროდ იყო დაკავშირებული ირანთან და ფერეიდანში მცხოვრებ ქართველებთან. ამდენად, საღამოზე მოწვეულნი იქნებიან ფერეიდნელი ქართველებიც.