დედოფლისწყაროში მომხდარი ავტოსაგზაო შემთხვევის დროს დაშავებული სამი სამხედრო მკურნალობას რეანიმაციულ განყოფილებაში გადის, - განაცხადა საქართველოს ჯანდაცვის მინისტრმა დავით სერგეენკომ. მისი ინფორმაციით, დაშავებული სამხედროების სიცოცხლეს საფრთხე არ ემუქრება.
„საყურადღებო რჩება სამი პაციენტის მდგომარეობა, საბედნიეროდ მათ ჯანმრთელობას საფრთხე არ ემუქრებათ, მაგრამ იმისათვის, რომ შემდგომი გართულებები იქნეს თავიდან აცილებული, ისინი აგრძელებენ მკურნალობას რეანიმაციულ განყოფილებაში”, - განაცხადა დავით სერგეენკომ.
ავტოსაგზაო შემთხვევა 21 ოქტომბერს დედოფლისწყარო-სიღნაღი-თბილისის დამაკავშირებელ ავტომაგისტრალზე მოხდა. შემთხვევის შედეგად 1 ჯარისკაცი გარდაიცვალა. 10-მდე კი მძიმედ დაშავდა. სამხედრო პოლიციის საგამოძიებო ჯგუფმა და თავდაცვის სამინისტროს გენერალურმა ინსპექციამ მომხდართან დაკავშირებით საქმე აღძრა. გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს.