სტუ-ს დიზაინის საერთაშორისო სკოლის და ვენის გამოყენებითი ხელოვნების უნივერსიტეტის ერთობლივი პროექტი
21-30 ოქტომბერს, სტუ-ს დიზაინის საერთაშორისო სკოლაში ერთწლიანი ქართულ-ავსტრიული, ერთობლივი პროექტის დასასრული სხვადასხვა ღონისძიებით აღინიშნება. ღონისძიებებს დაესწრებიან განათლებისა და მეცნიერების მინისტრი და ავსტრიის ელჩი საქართველოში.
პროექტი-„THONET-ის ისტორიები: დისტრიბუციის კვალდაკვალ - Thonet Nr. 14-ის ანუ ვენური სკამის დეკონსტრუქცია.“ საქართველოსა და ავსტრიის წარსულ და თანამედროვე კულტურულ კავშირებს ეძღვნება. გრეხილი ხისგან დამზადებული სკამი: Nr. 14 რომელიც ავსტრიული დიზაინის „ხატად“ ითვლება და მე-19 საუკუნის დასასრულს თანამედროვეობის სიმბოლოს წარმოადგენდა, რევოლუციამდელ თბილისში არსებულ გრეხილი ავეჯის ქარხანაშიც მზადდებოდა. დღესდღეისობით იგი თბილისის კაფეებს ამშვენებს, ასევე ბინებსა თუ ეზოებში კალათბურთის კალათის სახითაც გხვდება…
პროექტი, 2014 წელს, სტუ-ს დიზაინის საერთაშორისო სკოლაში ცნობილი ავსტრიელი დიზაინერის ჯეიმს სქოუნის ვორკშოფით დაიწყო. 2015 წლის შემოდგომაზე კი სტუ-ს დიზაინის საერთაშორისო სკოლის 12 სტუდენტი, ვენის გამოყენებითი ხელოვნების უნივერსიტეტში სასწავლო ვიზიტით იმყოფებოდა, სადაც ავსტრიელ სტუდენტებთან ერთად ტონეტის ისტორიას გაეცნენ, აწარმოეს კვლევები, შეხვდნენ Thonet-ის დიზაინერებს, მის შთამომავლებს (ევა-მარია თონეტ-შმერცინგს), ავეჯის კოლექციონერებს, მოინახულეს მუზეუმები და პრაქტიკული სამუშაოებიც ჩაატარეს.
პროექტმა ხელი შეუწყო თბილისის პოპულარიზაციას მისი ავსტრიასთან არსებული კულტურული კავშირების წარმოჩენით. ასევე ავსტრიული კულტურის პოპულარიზაციას ვენური ავეჯის ორიგინალური წარმოშობის ხაზგასმით. მოხდა ინფორმაციისაა და გამოცდილების გაცვლა. ორი უნივერსიტეტის, სტუ-სა და ვენის გამოყენებითი ხელოვნების უნივერსიტეტის ერთობლივი მუშაობა/პროექტის ჩატარება და დიზაინის პოპულარიზაცია საქართველოში, ინფორმაციის დაარქივება, Thonet - ის ობიექტების მოხმარების მაგალთიდან გამომდინარე ახალი დიზაინის და ხელოვნების ობექტების შექმნა და პრეზენტაცია.
პროგრამა:
21-22/24-25 ოქტომბერი, მიკი (მიხაელა) მარტინეკის სემინარი - “Every day life” - როგორ შეიძლება მდგრადი დიზაინის ცვალებადობის შექმნა დიზაინში/ტექნოპარკი.
22-24 ოქრომბერი PRINZpod-ის სემინარი: „ყველაზე მარტივი ავეჯი“.
24 ოქტომბერი, 18:00 - ღია ვახშამი-პრეზენტაცია, ავსტრიელი დიზაინერების ბრიგიტე და ვოლფგანგ პოდგორშეკების სემინარიზე შექმნილი ნამუშევრების განხილვა.
25 ოქტომბერი, 17:00 - მიკი მარტინეკის პრეზენტაცია.
26- გარიყულა/გუგა კოტეტიშვილი/სემინარი.
27- ავსტრიელ-ქართული ჯგუფის ერთობლივი სემინარი
29 ოქტომბერი, 14:00 - მდინარე მტკვარზე ავსტრიელი სტუდენტები ტონეტის ავეჯით შექმნილი ნავით გაცურავენ.
კერძო დონორი-ქართველი სტუდენტების ჯიბის ფული ავსტრიაში.
სატრანპორტო კომპანია-“Gebrüder Weiss“ - ავსტრიელი სტუდენტების მგზავრობა.
ავსტრიის საგარეო საქმეთა სამინისტრო და ავსტრიის საელჩო საქართველოში-
მიკი მარტინეკი და PrINZpod/ბრიგიტე და ვოლფგანგ პოდგორშეკი.
