ალეპოს მშვიდობიანი მოსახლეობის ინტენსიური დაბომბვის გამო ევროკავშირმა შესაძლოა რუსეთსა და ასადის რეჟიმს სამხედრო დანაშაულის ჩადენაში დასდოს ბრალი. ამის შესახებ ევროკავშირის საბჭოს კომუნიკეშია ნათქვამი. დოკუმენტში აღნიშნულია, რომ ალეპოში საერთაშორისო ჰუმანიტარული მისიების, საავადმყოფოებისა და სკოლების დაბომბვა და მშვიდობიანი მოსახლეობის წინააღმდეგ კასეტური ჭურვების გამოყენება კონფლიქტის კატასტროფულ ესკალაციას უწყობს ხელს. ბრიუსელის ზეწოლის მიუხედავად, რუსული ავიაცია ალეპოს დასახლებული რაიონების დაბომბვას განაგრძობს.
