"სვეტიცხოველი იმდენად წმიდა ადგილია, რომ როცა მირიან მეფემ იგრძნო გარდაცვალების მოახლოება, მან დატოვა ანდერძი, რომ არ დასაფლავებულიყო აქ. იმიტომ რომ უღირსად თვლიდა თავის თავს და იყო დასაფლავებული იქ, სადაც სამთავროს მონასტერია", - ამის შესახებ საქართველოს კათოლიკოს-პატრიარქმა ილია მეორემ სვეტიცხოველის საკათედრო ტაძარში ბრძანა.
"მრავალი ცრემლი და სისხლი დაღვრილა ამ წმიდა ტაძარში და ყოველი ადამიანი რომელიც შემოდის რწმენით და სიყვარულით გრძნობს მადლსა უფლისასა.
"დიდ ხარ შენ უფალო და საკვირველ არიან საქმენი შენი", უფალი რომელიც გვაძლევს ამდენ მადლსა, ამდენ კურთხევასა, უფალი მოგვკითხავს ყოველ ჩვეთაგანს. ამიტომ ჩვენ ყველაფერი უნდა გავაკეთოთ იმისთვის, რომ ხალხში განმტკიცდეს სარწმუნოება მართლამდიდებელი, სიყვარული და სასოება", - განაცხადა ილია მეორემ