გუშინ საღამოს ავტოსაგზაო შემთხვევის შედეგად დასავებული მორაგბეების შესახებ ინფორმაციას ,,საქართველოს რაგბის კავშირი” ავრცელებს. საკუთარ ვებ-გვერდზე გამოქვეყნებული ინფორმაციის თანახმად, ქუთაისი-სამტრედიის გზაზე მერაბ კვირიკაშვილი მოყვა ავტო საგზაო შემთხვევაში. მის მანქანაში იმყოფებოდნენ მისი მეუღლე – ანი ბუაძე, რაგბის კლუბ ‘ლელოს’ მორაგბე გიორგი ლომინაძე და მისი მეუღლე.
,, მერაბ კვირიკაშვილის მდგომარეობა დამაკმაყოფილებელია, ხოლო მანქანაში მყოფ დანარჩენ მგზავრთა მდგომარეობა სტაბილურად მძიმეა. დამატებით ინფორმაციას მოგაწვდით მოგვიანებით”,-ნათქვამია განცხადებაში.
