გარემოს ეროვნული სააგენტო 19-24 ივლისს საქართველოში მოსალოდნელი ამინდის შესახებ ავრცელებს ინფორმაციას.
„19-20 ივლისს საქართველოში მოსალოდნელია წვიმა და ელჭექი, ზოგგან ძლიერი, აღმოსავლეთ საქართველოში შესაძლებელია სეტყვა. იქროლებს დასავლეთის ძლიერი ქარი.
ჰაერის ტემპერატურა დასავლეთ საქართველოში +23, +28° ხოლო აღმოსავლეთ საქართველოში +31, +36° იქნება“, - აცხადებენ გარემოს ეროვნულ სააგენტოში.
მათივე ცნობით, 21-24 ივლისს საქართველოში შენარჩუნებული იქნება არამდგრადი ამინდი, მოსალოდნელია წვიმა და ელჭექი, აღმოსავლეთ საქართველოში შესაძლებელია სეტყვა. ჰაერის ტემპერატურა დასავლეთ საქართველოში +25, +30° აღმოსავლეთ საქართველოში +29, +34° იქნება.