პარლამენტის თავმჯდომარე დავით უსუფაშვილი აცხადებს, რომ ვიზალიბერალიზაციის პროცესი ბევრი თვით არ გაჭიანურდება. მისი ინფორმაციით, ამაზე საუბრობენ კოლეგები სტრასბურგში, ბერლინშიც - ყველგან.
,,მოგეხსენებათ, რომ პარალელურ რეჟიმში მიმდინარეობს რამდენიმე სხვა საკითხიც - თურქეთთან ამავე ვიზალიბერალიზაციის თემაზე მოლაპარაკებები, უკრაინასთან მოლაპარაკებები. უკრაინა და თურქეთი ერთად, 100 მილიონზე მეტი მოქალაქეა. ამასთან დაკავშირებით ევროპულ სახელმწიფოებს სხვა მიდგომები აქვთ. განსაკუთრებით გართულდა ვითარება მიგრანტებთან დაკავშირებულ კრიზისების გამო ევროპაში, ამიტომ ხდება საკითხის გადადება სხვა მიზეზების გამო. ჩვენ ყველა კოლეგა, პარტნიორი გარკვეულწილად ბოდიშს გვიხდის ამისთვის, მაგრამ გვპირდებიან, რომ ეს გაჭიანურება არ იქნება ბევრი თვით. ეს იქნება რამდენიმე კვირით ან თვით. არ არის გამორიცხული, რომ სხვადასხვა უწყბების დონეზე გადაწყვეტილებების მიღება მოხდეს ზოგის ივნისში, ივლისში, სექტემბერშიც, მაგრამ მე ვერ ვხედავ ვერანაირ გარემოებას ამ წუთში, რომელიც ხელს შეგვიშლის ჩვენ ამ გზით სვლისკენ. ჩვენ 26 წელია ვიზებით დავდივართ ევროპაში, 26 დღესაც მოვითმენთ მე მგონი”, - აღნიშნა დავით უსუფაშვილმა.
