ევროპის სასამართლომ დაადგინა, რომ ვანო მერაბიშვილის დაუსაბუთებლად შეეფარდა პატიმრობა, - ამის შესახებ საქართველოს ყოფილი პრემიერ-მინისტრის ვანო მერაბიშვილის ადვოკატმა ოთარ კახიძემ ”რყსთავი 2”-ს განუცხადა.
მისი თქმით, სასამართლოს გადაწყვეტილებიდან იკითხება, რომ ვანო მერაბიშვილი არის პოლიტიკური პატიმარი
"პრაქტიკულად, პოლიტიკური კონტექსტის გათვალისწინებით, სასამართლოს გადაწყვეტილებიდან იკითხება, რომ ვანო მერაბიშვილი არის პოლიტიკური პატიმარი,“ - აცხადებს ოთარ კახიძე.
კახიძის განმარტებით, საქართველოს ხელისუფლებას ეს გადაწყვეტილება აკისრებს პასუხისმგებლობას და ვანო მერაბიშვილი დაუყოვნებლივ უნდა გათავისუფლდეს.
„ამ პოლიტიკური კონტექსტის გათვალისწინებით, რაც სასამართლომ დაადგინა, დაუყოვნებლივ გაათავისუფლონ ვანო მერაბიშვილი პატიმრობიდან. მისი პატიმრობის ყოველი საათი არის უაღრესად დამაზიანებელი საქართველოს სახელმწიფოს იმიჯისთვის. შესაბამისად, დაუყოვნებლივ უნდა მოხდეს ვანო მერაბიშვილის გათავისუფლება,“ - აცხადებს ოთარ კახიძე.
