პარლამენტის თავმჯდომარე დავით უსუფაშვილი მიიჩნევს, რომ ე.წ. კაბელების საქმის გამოძიება თითქმის ორი წლის განმავლობაში მიმდინარეობს, მაგრამ კითხვები უფრო მეტი დარჩა, ვიდრე პასუხებია მიღებული.
მისი თქმით, ამ საკითხზე პოლიტიკური შედეგები ჯერ კიდევ წინ არის და თემა არ დახურულა.
“ეს არ არის კარგი მოვლენა, მაგრამ დარწმუნებული ვარ, ყველა კითხვას პასუხი გაეცემა სამართლებრივადაც და პოლიტიკურადაც - საკითხი ჯერ დახურული არ არის და წელიწადნახევარი ამისთვის საკმარისი არ აღმოჩნდა“, - აღნიშნა პარლამენტის თავმჯომარემ.
შეგახსენებთ, ე.წ. კაბელების საქმეზე ბრალდებულ ხუთ პირს 14 მაისს 7-7-წლიანი პატიმრობა შეეფარდა. აღნიშნულ საკითხზე ,,თავისუფალი დემოკრატები“ ქუჩის აქციებს გეგმავენ.
