საქართველოს მოქალაქეების მშვიდი ცხოვრება გადის ერთადერთ გზაზე და ეს გზა არის თანამშრომლობა დასავლეთთან - ამის შესახებ საქართველოს პრემიერ-მინისტრმა, გიორგი კვირიკაშვილმა ქართულ-ამერიკულ-ბრიტანული სამხედრო სწავლების გახსნისას განუცხადა.
პრემიერმა ქართულ-ამერიკულ-ბრიტანული სამხედრო სწავლებას ძალიან მნიშვნელოვანი უწოდა.
„ამ წვრთნებს აქვს მნიშვნელოვანი დატვირთვა. უპირველეს ყოვლისა დატვირთვა საქართველოს სამხედრო შენაერთების, თავდაცვისუნარიანობის გამტკიცებისა და პოლიტიკური თვალსაზრისით. საქართველოს მოქალაქეების მშვიდი ცხოვრება გადის ერთადერთ გზაზე და ეს გზა არის თანამშრომლობა დასავლეთთან, ჩვენს სტრატეგიულ პარტნიორებთან და ამას ალტერნატივა არ გააჩნია, ეს არის ყველაზე მთავარი“, - განაცხადა გიორგი კვირიკაშვილმა.
