„თავისუფალი დემოკრატების“ ლიდერი ირაკლი ალასანია მიიჩნევს, რომ საქართველოს საგარეო საქმეთა მინისტრის შეხვედრა რუს კოლეგასთან კარგად უნდა დაიგეგმოს. მისივე თქმით, ოკუპაციაზე საუბრის გარეშე ქართულ-რუსული ურთიერთობების განვითარება წამოუდგენელია.
“აუცილებელია შეხვედრა კარგად დაიგეგმოს. რუსეთ-საქართველოს ურთიერთობებში დღის წესრის გაჩენაში ჩვენ უნდა მივიღოთ მონაწილეობა და უნდა ვილაპარაკოთ ძალიან მძიმე საკითხებზე, როგორიც არის ქვეყნის ოკუპაცია. ამის გარეშე ბუნებრივია, ქართულ-რუსული ურთიერთობების განვითარება წამოუდგენელია. სწორს ვაკეთებთ, რომ პრაგმატული ურთთიერთობა გვაქვს რუსეთთან, მაგრამ ეს არ არის სიახლე. სიახლე იქნება, როდესაც პოლიტიკურ დღის წესრიგში გაჩნდება ახალი საკითხი და ეს საკითხი უნდა იყოს ჩვენი ტერიტორიული მთლიანობის აღდგენის ფორმები და გზები“, - განაცხადა ირაკლი ალასანიამ.
საქართველკოს საგარეო საქმეთა მინისტრმა მიხეილ ჯანელიძემ რუს კოლეგასთან შესაძლო შეხვედრასთან დაკავშირებით განაცხადა, რომ საქართველო რუსეთთან საერთაშორისო დისკუსიებით განსაზღვრული ფორმატებით მუშაობს. ,,კვირის პალიტრასთან“ ინტერვიუში მან განაცხადა, რომ ”შესაბამისი გარემოებებისა და მომზადების შემთხვევაში შესაძლოა რუს კოლეგა სერგეი ლავროვს შეხვდეს“.
