ბოტანიკური ბაღის ტერიტორიის გასხვისებასთან დაკავშირებით ჩატარებული აუქციონის შემდეგ, თბილისის მერი დავით ნარმანია პირველ კომენტარს აკეთებს. მისი თქმით, აღნიშნული პროექტი მხოლოდ გამოადგებათ მოქალაქეებს და ქალაქს.
„მე ვიცნობ დეტალებს. კანონმდებლობით ყველაფერი წესრიგშია და დარწმუნებული ვარ, რომ ეს პროექტი მხოლოდ გამოადგება ქალაქს და ჩვენს თანამოქალაქეებს. ყველა პროცედურების დაცვით და სამართლებრივი ჩარჩოების ფარგლებში მიმდინარეობს პროცედურები,“ - განაცხადა დავით ნარმანიამ.
ბოტანიკური ბაღის მიმდებარე 29 ჰექტარი მიწის ტერიტორია 6 326 495 ლარად გაიყიდა. აუქციონში მხოლოდ ერთი სუბიექტი მონაწილეობდა, რომელმაც ფასი მხოლოდ ერთხელ შესთავაზა და მიწის ნაკვეთი საბოლოოდ შეთავაზებულ ფასად გაიყიდა. მყიდველის ოფიციალური ვინაობა ჯერჯერობით არ საჯაროვდება.
