ოდესის ოლქის გუბერნატორის, საქართველოს ყოფილი პრეზიდენტის მიხეილ სააკაშვილის განცხადებით, საქართველოს ოკუპაციის თემას აღარავინ ახსენებს, რადგან ამ თემას არავინ ლობირებს.
ამის შესახებ სააკაშვილმა „რუსთავი 2“-ის ეთერში, მიუნხენიდან ჩართვისას განაცხადა, სადაც 52-ე უსაფრთხოების საერთაშორისო კონფერენცია მიმდინარეობს.
,,საქმე იმაშია, რომ აღარავინ ახსენებს საქართველოს ოკუპაციას. აღარ ახსენებს იმიტომ, რომ საქართველო თვითონ აღარ ლობირებს ამას. საქართველო გამქრალია რადარებიდან. რაც უნდოდათ, ის გააკეთა. მოდიოდა და გახსოვთ ამბობდა, არ უნდა ვიყოთ განხეთქილების ვაშლი დასავლეთსა და რუსეთს შორისო. ივანიშვილი ამბობდა ამას და სხვათაშორის ირაკლი ალასანიაც. აღარ ვართ არანაირი ვაშლი, არც კიტრი აღარ ვართ, ვართ საერთოდ გამქრალები. ახლა ბოდიში და სულ ფეხებზე ჰკიდიათ საქართველო. ეს არის დღევანდელი შედეგი'', - განაცხადა სააკაშვილმა.
