ციხისძირში, ბიძინა ივანიშვილი, აჭარის უმაღლესი საბჭოს დეპუტატები და აქციის მონაწილეები შეხვედრას მართავენ, სადაც ციხისძირიდან ურეკში გიგანტური ხეების გადატანაზე საბრპბენ.
,,ნაციონალური მოძრაობის“ წევრის, პეტრე ზამბახიძის განცხადებით, ივანიშვილმა მათთან საუბრისას დაადასტურა, რომ ასწლოვანი გიგანტური ხეები პირად საკუთრებაში მიაქვს.
„გვითხრა, რომ გიგანტური ხეები მისი გატაცებაა და მათ მთელს მსოფლიოში ყიდულობს, მათ შორის ჩილეშიც. შემდეგ კი ურეკში მისივე საკუთრებაში გადააქვს. ეს ყველაფერი კი ძალიან ძვირი უჯდება. ჩვენ მას ვუთხარით, რომ ამ მილიონების სანაცვლოდ შეუძლია, ასობით სოციალურად დაუცველ ადამიანს მოუგვაროს პრობლემები. ასევე დაეხმაროს იპოთეკით დაზარალებულებს, რომლებიც სახლკარის გარეშე რჩებიან.“ - განუცხადა ,,რუსთავი 2”-ს პეტრე ზამბახიძემ.
მისივე თქმით, ქვეყნის ფაქტობრივი მმართველის ახირებაზე მთელი სახელმწიფო ბიუროკრატია დადის, რაც არ უნდა ხდებოდეს.
