იუსტიციის საბჭოში მიმდინარე მოვლენებთან დაკავშირებით პარლამენტის თავმჯდომარე კომენტარს აკეთებს. დავით უსუფაშვილი ამბობს, რომ პარლამენტი გამოთქვამს მზადყოფნას დისკუსია და მსჯელობა დაიწყოს ყველა იმ ინიციატივაზე, რომელიც მოსამართლეების დამოუკიდებლობას გააძლიერებს.
მოსამართლეთა არჩევის პროცესის შესაძლო შეჩერებასთან დაკავშირებით კი დავით უსუფაშვილმა რისკები დაასახელა, რაც პროცესის შეჩერებას შეიძლება მოჰყვეს. იგი არგუმენტად მოწმეთა დაკითხვის ახალი წესის ძალაში შესვლას ასახელებს .
„ჩვენც და სასამართლოებიც მოქმედი კანონმდებლობის ჩარჩოებში მოქმედებენ,“- განაცხადა დავით უსუფაშვილმა.
პრეზიდენტის მრჩეველმა ადამიანის უფლებათა საკითხებში კახა კოჟორიძემ არასამთავრობო ორგანიზაციებთან შეხვედრის შემდეგ განაცხადა, რომ მოსამართლეთა შერჩევა-დანიშვნის ხარვეზებიანი პროცესი უნდა შეჩერდეს. როგორც კოჟორიძემ აღნიშნა, პარლამენტმა დაუყოვნებლივ უნდა დაიწყოს სისტემური რეფორმების გატარება.
