პრეზიდენტის მრჩეველი ადამიანის უფლებათა საკითხებში კახა კოჟორიძე აცხადებს, რომ მოსამართლეთა შერჩევა-დანიშვნის პროცესი უნდა შეჩერდეს და პარლამენტმა დაუყოვნებლივ უნდა დაიწყოს სისტემური რეფორმების გატარება.
არასამთავრობო ორგანიზაციებთან გამართული შეხვედრის შემდეგ, მან ასევე განაცხადა, რომ მოსამართლეები გადაწყვეტილებებით უნდა ამაყობდნენ.
,,ჩვენი საერთაშორისო პარტნიორები თავიანთ ანგარიშებში საქართველოს პრობლემების ჩამოთვლას საბჭოს საქმიანობის აღწერით იწყებენ. არავის გვაქვს უფლება, მშვიდი სახეებით ველოდოთ, როდის დაინგრევა საქართველოში სამართლიანი სასამართლოს შექმნის იმედი. საქართველოს არ სჭირდება ისეთი მოსამართლეები, რომლებიც უარს იტყვიან საკუთარ სახელსა და გვარზე, სჭირდება მოსამართლეები, რომლებიც იამაყებენ თავიანთი საკუთარი პიროვნებით და მიღებული გადაწყვეტილებებით", - განაცხადა კოჟორიძემ.
კოალიციის "დამოუკიდებელი და გამჭვირვალე მართლმსაჯულებისთვის" წევრები კახა კოჟორიძესა და საპარლამენტო მდივანს გიორგი კვერენჩხილაძეს შეხვდნენ დამოსამართლეთა დანიშვნის წესებში არსებული პრობლემები განიხილეს.
