შშ-ის ელჩი საქართველოში იანკელი აცხადებს, რომ საელჩო დაინტერესებულია იმ მოვლენებით, რომელიც შესაძლოა უკავშირდებოდეს მედიაგარემოს და მიმდინარე პროცესებს. ,,მაესტროს“ ირგვლივ მიმდინარე მოვლენების კომენტირებისას მან ასევე განაცხადა, რომ მიმდინარე წელი განსაკუთრებით მნიშვნელოვანია დაგეგმილი საპარლამენტო არჩევნების გამო.
“ჩვენი უმთავრესი პრიორიტეტია საქართველოში დემოკრატიის წარმატება. საქართველოს დემოკრატიისთვის წელს მნიშვნელოვანი წელიწადია, რადგან შემოდგომაზე არჩევნები ტარდება. ჩვენი პრიორიტეტია ასევე, რომ პოლიტიკური სცენის ყველა მოთამაშის ხმა ისმინებოდეს მოსახლეობის მიერ, რაშიც მედია მნიშვნელოვან როლს თამაშობს. საელჩო დაინტერესებულია იმ მოვლენებით, რომელიც შესაძლოა უკავშირდებოდეს მედიაგარემოს და მიმდინარე პროცესებს. ამიტომ ვითხოვეთ შეხვედრა მაესტროს ხელმძღვანელობასთან. ამ ეტაპზე ჩვენ ვაკვირდებით ვითარებას, ამიტომ მოხარულები ვართ, რომ გარკვეულ მოთამაშეებთან გვქონდა შეხვედრა. მომავალში გვსურს ვიხილოთ, რომ სრულად იყოს უზრუნველყოფილი ის, რასაც ვეძახით თანაბარ სათამაშო ველს", - განაცხადა იან კელიმ.